Pepsideildin: Breiðablik og FH unnu í 8. umferð

Fylkismenn gerðu jafntefli við Þórsara í Árbænum 1-1 og KR vann auðveldan sigur í Grindavík 3-0.

Valsmenn náðu að vinna ótrúlegan sigur á Víkingum á heimavelli sínum Hlíðarenda 2-1 eftir að hafa lent manni undir og einu marki undir. Marteinn Briem kom Víkingum yfir þegar rúmar tíu mínútur voru til leiksloka en Guðjón Pétur Lýðsson jafnaði úr víti þegar fjórar mínútur voru eftir af leiknum og Haukur Páll Sigurðsson tryggði Val svo sigurinn á síðustu mínútu leiksins.

Eyjamenn unnu Stjörnuna Í Vestmannaeyjum 2-1 en heimamenn skoruðu úr umdeildu víti örfáum mínútum fyrir leikslok.

Breiðablik og FH kræktu sér í mjög mikilvæg stig þegar FH lagði Fram 1-2 í Laugardalnum og Breiðablik vann Keflavík 2-1 þegar áttundu umferð Pepsideildar karla lauk í kvöld.