U21 ára liðið í B-styrkleikaflokki - Dregið á föstudag

UEFA tilkynnti í dag hvernig raðað er í styrkleikaflokka þegar dregið verður í umspilinu fyrir úrslitakeppni Evrópumóts U21 ára landsliða hjá U21 karla.  Dregið verður á föstudaginn í Herning í Danmörku og hefst drátturinn kl. 10:30 á okkar tíma.

Ísland er í B-styrkleikaflokki en sjö þjóðir skipa hvorn flokk og geta þjóðir í sama flokki, ekki dregist saman.  Eins getur Ísland ekki dregist gegn Tékklandi þar sem þessar þjóðir voru saman í riðli í undankeppninni.

Farið var eftir árangri í tveimur síðustu keppnum þegar raðað var í flokka en einungis sigurvegarar riðlanna gátu lent í A - flokki.

A - styrkleikaflokkur:

    * Svíþjóð
    * Holland
    * Tékkland
    * Rúmenía
    * Ítalía
    * Króatía
    * Skotland

B-styrkleikaflokkur:

    * Grikkland
    * Sviss
    * Úkraína
    * Spánn
    * England
    * Hvíta Rússland
    * Ísland